Decálogo para desfrutar do sendeirismo respectando o medio natural

Decálogo para desfrutar do sendeirismo e coidar o medio natural

Coidemos e respectemos o #CamiñoNatural

Un dos elementos máis representativos de Trabada é a súa natureza de gran valor e beleza. Por iso se denomina “Camiño Natural”, porque coñecer Trabada é deixarse sorprender polas súas fragas e sendeiros. Adentrarse nunha contorna verde e única.

Por iso é fundamental que todos coidemos e respectemos este patrimonio natural. Pero non só é importante protexer a natureza, tamén o é seguir as recomendacións para practicar senderisimo.

10 recomendacións para practicar sendeirismo

  • Planifica a ruta e infórmate das condicións meterolóxicas.

Busca información sobre o terreo, distancia, inclinación e a previsión metereolóxica ó longo do día. Así mesmo, ten en conta todo isto para establecer a hora de inicio da ruta e o tempo estimado de duración.

  • Se te perdes, non te poñas nervioso e verifica a túa posición cun mapa e unha brúxula.

Se nalgún momento descoñeces a túa ubicación, tranquilo, colle o teu mapa e a brúxula para situarte. Polo tanto, xa sabes, é importante levar mapa e brúxula (non sempre temos batería no móbil e/ou cobertura).

  • Non corras riscos innecesarios adentrándote por sendeiros ou lugares non habilitados.

Nunca debemos subestimar á natureza. Non te aventures por zonas que non están acondionadas para o sendeirismo ou que descoñeces.

  • Realiza descansos de 5 minutos cada hora e bebe moita auga para previr problemas por falta de hidratación.

Leva auga para beber durante a ruta (moitas veces pero pouco) e infórmate da ubicación de fontes con auga potable. Tamén é importante a nutrición, o día antes recoméndase “cargar as baterías” con algún prato que non resulte moi pesado e con alto contido en hidratos de carbono.

  • A roupa e o calzado son dous elementos importantes. Utiliza roupa cómoda e un calzado axeitado para “trekking”.

A comodidade é fundamental. Pantalóns longos (evitas rozaduras ou cortes superficiais), gorro (para protexerse do sol), calcetíns preparados para a práctica de senderisimo e unhas botas de trekking. Son os elementos básicos.

  • Respeta a contorna, non esquezas que é de todos. Tira o lixo nos contenedores.

O medio ambiente é patrimonio de todos e coidalo, polo tanto, tamén é unha responsabilidade común. Non tires o lixo no chan.

  • Non alteres a vida da flora e a fauna da zona.

É posible que camiñes por lugares nos que habiten diferentes animais, se te cruzas con algún, non o molestes. Así mesmo, respecta a vexetación.

  • Coidado coas cabichas, provocan moitos lumes.

Un gran número de incendios son provocados de forma inconsciente por unha cabicha que se tirou no monte. Teno moi presente.

  • Procura levar un kit básico de primeiros auxilios e o número de teléfono de emerxencias localizado.

Leva na túa mochila un kit básico de primeiros auxilios polo que poida pasar. Da mesma forma, ten localizado o número de teléfono de emerxencias.

  • Desfruta do sendeirismo en grupo. É aconsellable non camiñar só.

Camiñar acompañado minimiza calquera risco. Sempre que poidas, desfruta do sendeirismo con outras persoas.

10 consellos para realizar sendeirismo

Fai clic aquí para descargar o decálogo de recomendacións para practicar sendeirismo.

Rutas de sendeirismo en Trabada

Rutas para practicar sendeirismo en Trabada

Agora que xa sabes todo o necesario para practicar o senderisimo de forma responsable, deixámosche a seguinte ligazón na que atoparás información sobre as rutas do concello de Trabada: rutas de senderisimo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies