Festival Eu Son Eo 2018, desenvolvemento rural dende a innovación

Os vindeiro venres 29 e sábado 30 de xuño celébrase o Festival Interrexional do Eo (Eu Son Eo). Un festival transversal e para todos os públicos.

Gastronomía, artesanía, natureza, cultura e, como non… a música, conflúen nun espazo natural único para promocionar a economía rural dos concellos de Trabada e Vegadeo. A unión de Galicia e Asturias para xuntar forzas e potenciar obxectivos comúns.

Todos estes elementos póñense en valor durante dous días en Abres, que une Trabada e Vegadeo grazas á Reserva da Biosfera do Eo, Oscos e Terras de Burón. Co río Eo como principal símbolo de unión, pois é parte esencial do festival.

Localización

Eu Son Eo pretende convertirse en motor de desenvolvemento para toda a comarca.

Gastronomía

Poñer en valor os produto locais e promocionar as receitas máis tradicionais é un dos obxectivos propostos dende a organización deste evento cultural. E abofé que o consiguen, durante a celebración do festival é posible degustar diferentes pratos e coñecer a gastronomía de Trabada e Vegadeo.

Artesanía

Outros dos elementos nos que se centra Eu Son Eo é a aposta polo futuro dos artesáns e deseñadores que se queren dar a coñecer. O Mercado Eu Rural e as diferentes actividades que se organizan, son un claro exemplo desta aposta.

Natureza

E que dicir da natureza, só polo feito de situarse na Reserva da Biosfera do Eo, Oscos e Terras de Burón, é un evento que merece a pena. Conta cunha extensión de 1595,889 km² e inclúe ademais da totalidade da cunca do río Eo dende o seu nacemento en Fonteo ata súa desembocadura na ría de Ribadeo. Foi declarada o 19 de setembro de 2007 pola Organización das Nacións Unidas para a Educación, a Ciencia e a Cultura (UNESCO) dentro do programa MaB (Home e Biosfera).

Pois ben, a isto hai que sumarlle que podemos desfrutar desta paraxe natural única, no propio río Eo, grazas ás actividades acuáticas do festival.

Un dos grandes atractivos para os máis novos e todos aqueles que se queiran refrescar na tarde do venres ou do sábado.

Cultura

Dar a coñecer as raíces culturais de Trabada e Vegadeo, así como promocionar a cultura actual, son outros dos eixes nos que se centra o festival Eu Son Eo.

Música

Como todo festival que se precie, a música é o elemento principal. E nesta edición chega da man dos grupos Cañoneros (tributo a bandas dos anos oitenta) e We Love Queen (tributo show á lexendaria banda Queen) e Dj’s Eomúsica 80 que nos farán bailar coa mellor música dos oitenta.

En definitiva, dúas xornadas para desfrutar en familia e/ou cos amigos. Con actividades para os máis cativos e tamén para os maiores. Un festival que non deixa indiferente a ningún dos seus asistentes pero si con ganas de repetir ano tras ano.

Máis información en: www.eusoneo.com

Cartel do Festival Interrexional do Eo (Eu Son Eo) 2018

Festival Eu Son Eo e Trabada

O Festival Interrexional do Eo (Eu Son Eo) sirve de impulso para todo o concello de Trabada. A súa gastronomía, cultura, contorna natural e produtos artesáns danse a coñecer nun evento que no que conflúen familias de toda A Mariña Lucense, Asturias e outros puntos de Galicia.

Ademais, convírtese na ocasión perfecta para desfrutar de varios días en Trabada e coñecer o noso concello cos cinco sentidos. Se queres asistir ó Eu Son Eo e pasar varios días coñecendo o norte da Mariña… na nosa web podes descubrir todo o que ofrece o Camiño Natural.

Onde comer en Trabada

Onde durmir en Trabada

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
A %d blogueros les gusta esto: